سحور ملوكي..كانيللوني بحشوة لبنان الذهبية

السلام عليكم صبايا والله يعيد الشهر الفضيل علينا جميعاً بالخير والصحة



ليوم إن شاء الله رح قدملكم طبق كانيللوني الكريب بالحشوة الذهبية...


على فكرة.. أنا اليوم طبختها كطبق إضافي على الإفطار


ليش مسميتها ذهبية؟؟ لأني أستعملها بعدة وصفات واشكال وإن شاء الله بنزلهم واحدة ورا التانية..


أمانة يا بنات يلي بدها تنقل الموضوع تنقل بذمة وتكتب المصدر لأني بكذا منتدى شفت كذا وصفة من وصفاتي بس ممحي الإسم ومنسوبة لهم..


المقادير


معكرونة كانيللوني وشكلها بيجي متل أنبوب أصغر شوي من حجم معصم اليد مفتوح من الجهتين..بس أنا استعملت الكريب (طحين - ماء- حليب وبيضتين ورشة ملح و2 م ك زيت) تصنع مثل القطايف بس بدائرة أكبر..


طماطم مهروسة



الحشوة الذهبية


سبانخ طازج مغسول ومقطع
بصلة مفرومة
سماق
زيت زيتون
ملح وبهار اسود
جبنة فيتا
جبنة عكاوي
جبنة قريش cottage cheese
(ممكن استعمال نوع واحد)
جبنة موزاريلا لتغطية الوجه


الطريقة


نضع زيت الزيتون على النار ونقلب البصل مع الملح (رشة فقط لتدبيل البصلة لأن الجبنة مالحة)والبهار والسماق ثم نضيف السبانخ ونقلب 5 دقائق



نضع الكل بالخلاط مع الجبنة ما عدا الموزاريلا ونخلط




نجيب الكريب والحشوة..


نضع في قعر الصينية يلي مندخلها الفرن الطماطم المهروسة فقط لتغطية القاع..نضع كمية من الحشوة في الكريب ونلفها بهذا الشكل

ونرصهم بالصينية (أنا عاملة على قدنا لأنها طيبة ساخنة ومن الفرن دغري)..ونرش شوية طماطم عليهم وكمان شوي من الحشوة


تابعوني لتشوفوا النتيجة